بەجینۆساید ناساندنى کۆمەڵکوژى ئەرمەنەکان دەسەڵاتدارانى تورکیا توڕە دەکات

KNN : Kurdish News Network
08:58 - 24/04/2021
جیهان

بڕیارەکەى جۆ بایدن بۆ بەجینۆساید ناساندنى کۆمەڵکوژى ئەرمەکان لە لایەن دەوڵەتى عوسمانییەوە، دەسەڵاتدارانى تورکیاى نیگەران کردووە و بە توندى ئەو بڕیارە رەتدەکەنەوە.

لەدواى بڕیارەکەى جۆ بایدن سەرۆکى ئەمەریکا بۆ بە جینۆساید ناساندنى کۆمەڵکوژى ئەرمەنەکان لەلایەن دەوڵەتى عوسمانییەوە، ره‌جه‌ب ته‌یب ئه‌ردۆغان، سه‌رۆك كۆماری توركیا رایگەیاند: سیاسه‌تی لایه‌نی سێیه‌م  بۆ دەستوەردان لە رووداوه‌كانی ساڵی (1915) و به‌ئامرازكردنی ئه‌و رووداوانه‌ بۆ ده‌ستوه‌ردان له‌ دژی توركیا، سوودی بۆ هیچ لایه‌نێك نابێت.

وتیشى: ناگونجێت رێگه‌ به‌ سڕینه‌وه‌ی ئه‌و رۆشنبیریی پێكه‌وه‌ ژیان بده‌ین، كه‌ ماوه‌ی سه‌دان ساڵه‌ تورك و ئه‌رمه‌نه‌كانی كۆكردووه‌ته‌وه‌.

لاى خۆیەوە، مه‌ولود چاویش ئۆغلۆ، وه‌زیری ده‌ره‌وه‌ی توركیا، تووڕه‌یی وڵاتەکەى بۆ بڕیارەکە دەربڕى و رایگەیاند: تورکیا سه‌رله‌به‌ری ئه‌و بڕیاره‌ی ویلایه‌ته‌ یه‌كگرتووه‌كانی ئه‌مه‌ریكا بۆ دانپێدانان به‌ كۆمه‌ڵكوژییه‌كه‌ی ئه‌رمه‌نه‌كان ده‌كاته‌وه‌.

نیگەرانییەکانى کاربەدەستانى تورکیا لە کاتێکدایە، ئه‌مڕۆ كۆشكی سپی  بە بڕیارى جۆبایدن، بەفەرمى کۆمەڵکوژى و جینۆسایدى ئەرمەنەکانى لەلایەن دەوڵەتى عوسمانییەوە پەسەندکرد.

1318 جار خوێندراوەتەوە