پارتی داد و گەشەپێدانی دەسەڵاتداری توركیا ڕەجەب تەیب ئەردۆغان-ی بە سەرۆك هەڵبژاردەوە، ئەوەش بۆ حەوتەمجارى لەسەریەک ئەردۆغان وەک سەرۆک هەڵدەبژێردرێت.

ئەمڕۆ چوارشەممە، گۆنگرەى حەوتەمى پارتى داد و گەشەپێدان  كە لە هۆڵی ئەنقەرەی وەرزشی لە پایتەختی توركیا بەڕێوەچوو، تێیدا رەجەب تەیب ئەردۆغان بۆ جارى حەوتەم لەسەریەک بە دەنگى هەزار و (428) کەس وەک سەرۆکى پارتەکە هەڵبژێردرایەوە.

لە وتەیەکدا ئەردۆغان باسى لە دەستکەوتەکانى دەوڵەت و حیزبەکەى کرد و رایگەیاند:

لەمیانەی كۆنگرەكەدا ئەردۆغان وتەیەكی پێشكەشكرد و تیایدا باسی لە دەستكەوتە ناوخۆیی و دەرەكییەكانی حزبەكەی كرد و رایگەیاند: درێژە بە داڕشتنەوەی پەیوەندییەكانمان لەگەڵ سەرجەم وڵاتاندا دەدەین، بەجۆرێك هاوشانی بەرژەوەندییەكانی توركیا و خواستەكانی گەل بێت.

پارتی داد و گەشەپێدان لە  ئابی (2001) دامەزراوە، ساڵی (2002) بەشداری هەڵبژاردنی پەرلەمانی کرد، لە کۆی (550) کورسیی پەرلەمان (363 )کورسی بەدەستهێنا و ماوەى (20) ساڵە حوکمى تورکیا دەکات.