هەولێر؛ دوو شۆفێر دەبێتە شەڕیان و تەقەکردن لەنێوانیاندا روودەدات

KNN : Kurdish News Network
12:32 - 27/02/2021
کوردستان

پۆلیسى هەولێر رایدەگەیەنێت، دوو شۆفێر لە شەقامى (40) مەترى بەهۆى دەستشکاندنەوە سەر یەکرت دەبێتە شەڕیان و تەقەکردن لە نێوانیاندا روودەدات.

پۆلیسى فریاکەوتنى هەولێر لە راگەیەنراوێکدا ئەوە دەخاتەڕوو، نیوەڕۆى ئەمڕۆ لە شەقامى (40) مەترى لە نزیک نەخۆشخانەى لەدایکبون، شۆفێرى دوو ئۆتۆمبێل لە جۆرەکانى (کیا کادێنزا) و (تیۆتا کرۆلا / تاکسى) لەسەر شکاندنەوەى ئۆتۆمبێل بەڕوى یەکدا دەبێتە شەڕیان و یەکێک لە شۆفێرەکان تەقە دەکات.

راشیدەگەیەنێت، پۆلیس گەیشتوەتە شوێنی روداوەکە و هەردوو شوفێرەکەیان بە ناوی (ا.ش.م) و (ا.ھ.ع) دەستگیر کردوە.

پۆلیسى هەولێر ئاماژە بەوە دەکات، هەردوو ئۆتۆمبێلەکە و دەمانچەیەکی جۆری (ولتەر) دەستى بەسەردا گیراوە و لێکۆڵینەوە لە روداوەکە دەستى پێکردوە.

2503 جار خوێندراوەتەوە