موچەى ژمارەیەک بەرپرسى باڵاى عێراق رادەگیرێت

KNN : Kurdish News Network
09:23 - 24/10/2020
عێراق

موچەى بەرپرسانى باڵاى عێراق رادەگیرێت و بەبڕیارێکى دەستەى دەستپاکى عێراق تا ئەستۆپاکى پێشکەش نەکەن پێدانى موچەکانیان دەست پێناکاتەوە.

بەبڕیارێکى دەستەى دەستپاکى عێراق، دەبێت سەرجەم بەپرسانى باڵاى عێراق لە نێویاندا سەرۆک کۆمار، سەرۆکى ئەنجومەنى وەزیران، سەرۆکی پەرلەمان، وەزیر، پەرلەمانتار، بەڕێوەبەرى گشتى و چەندین بەرپرسی دیکەی باڵا، فۆڕمى ئەستۆپاکى خۆیان پڕبکەنەوە و پێشکەشى دەستەکەى بکەن، بەڵام تائێستا ژمارەیەک بەرپرسى باڵا فۆڕمەکەیان پڕنەکردوەتەوە و بەوهۆیەوە بڕیارى راگرتنى موچەکانیاندراوە.

دەستەى دەستپاکى عێراق رایدەگەیەنێت، هەرسێ سەرۆکایەتیەکەى عێراق و سەرجەم وەزیرەکان جگە لە وەزیرى دارایى عێراق و وەزیرى پەیوەندیەکان، ئەستۆپاکیان پێشکەش کردوە، بەڵام تائێستا چەندین پەرلەمانتار و بەرپرسى باڵا ئەستۆپاکى خۆیان پێشکەش نەکردوە.

919 جار خوێندراوەتەوە