ئەمڕۆ چوارشەممە (14ی تشرینی یەکەم 2020)، نرخی یەک بەرمیل نەوتی خاوی برێنت، لە بازاڕەکانی جیهاندا بە (42) دۆلار و (39) سەنت مامەڵەی پێوەکرا.

نرخی بەرمیلێک نەوتی خاوی ئەمریکیش (تەکساس) بە (40) دۆلار و (12) سەنت فرۆشراوە.

بە بەراورد بە دوێنێ سێشەممە، نرخی نەوت بەڕێژەى (10%) بەرزبوەتەوە.

دۆخى کۆرۆنا لە جیهان، کاریگەری لەسەر نرخەکانی نەوت و بەرزبونەوە و نزمبونەوەى لە بازاڕدا هەیە، هەرچەندە نرخى نەوت بۆ هەر بەرمیلێک تا ئاستى (20) دۆلار و کەمتریش دابەزى، بەڵام رێککەوتنەکەى وڵاتانى ئۆپیک پڵەس و کەمکردنەوەى هەناردەى نەوت، ماوەی چەند مانگێکە نرخى نەوتى تا ئاستێکى جێگیر هێشتوەتەوە.