وێنە..به‌هۆی پۆستێكی فەیسبوک له‌سه‌ر پێغه‌مبه‌ری ئیسلام سێ كه‌س كوژران

KNN : Kurdish News Network
08:53 - 13/08/2020
جیهان

له‌ شاری بنگالۆری هیندستان بەهۆی ئەوەی کەسێکی ناسراوە پۆستێکی فەیسبوکی لەسەر پێغمبەری ئیسلام بڵاوکردەوە و پۆستەکە تەشهیری تێدابووە، خۆپیشاندان دروستبوو و سێ کەس کوژران.

 

 کەناڵی سی ئێن ئێنی ئەمریکی ڕایگەیاند خۆپیشاندەران ژمارەیان زۆربووە و هەڵیانکوتاوەتە سەر ماڵی ئەو کەسەی پۆستەکەی کردوە، لە ئەنجامدا توندوتیژی لێکەوتەوە و لەلایەن پۆلیسەوە سێ کەس لەخۆپیشاندەران کوژران.

 

هەروەها زیاتر لە 100 کەس لە خۆپیشاندەران دەستگیرکراون و ئەو کەسەشی پۆستەکەی کردوە دەستگیرکراوە.

 

بەپێی هەواڵەکان جگە لە کوژران و برینداربوون و دەستگیرکردنی ئەو کەسانە بە دەیان ئۆتۆمبیل و دوکان و بازاڕیش سوتان و زیانێکی زۆر بەناوچەکە گەیشتووە.

 

لەلایەکی ترەوە ئاژانسی رۆیتەرز لە زاری كه‌مال بانت به‌ڕێوه‌به‌ری پۆلیسی شاره‌كه‌وە ئاشکرایکردوە لە خۆپیشاندانەکەدا 60 پۆلیسیش برینداربوون و لەدوای ئەو روداوەش قەدەغەی هاتوچۆیان ڕاگەیاندوە هەتا باردوخۆکە هێور دەبێتەوە.

2751 جار خوێندراوەتەوە