وێنە..فڕۆکەیەکی چاودێری تورکیا کەوتە خوارەوە و حەوت کەس گیانیان لەدەستدا

09:15 - 16/07/2020
جیهان

فڕۆکەیەکی چاودێری و پشکنینی تورکیا لە ئاسمانی شاری وانی باکوری کوردستان کەوتە خوارەوە و حەوت کەس گیانیان لەدەستدا.


ئاژانسی ئەنادۆڵ ڕایگەیاند، فڕۆکەکە لە چیای ئارتۆس کەوتۆتە خوارەوە و حەوت کارمەندی ئاسایش کە سەرنشینی فڕۆکەکەبون و دوانیان فڕۆکەوان بوون گیانیان لەدەستداوە.

 

ئاشکرایکردوە فڕۆکەکە مۆدیل 2015 هەیە کاری پشکنین و چاودێری بووە لە ئاسمانی ناوچەکە، بەڵام خۆی کێشاوە بە چیای ئارتۆسدا کە بەرزیەکەی دووهەزار و 200 مەترە و تێكشکاوە.

 

دوای ڕوداوەکە تیمە ئەمنیەکان چونەتە شوێنی ڕوداوەکە و پاشماوەی فڕۆکەیان دۆزیەوە و تیمی لێکۆڵینەوەش لە روداوەکە دەستی بە لێکۆڵینەوە کردوە.

 

بەپێی زانیارییەکان فڕۆکەکە کاتژمێر شەش و نیوی دوێنی ئێوارە لە فڕۆکەخانەی فەریت مەلەن لە شاری وان دەستی بە فڕین کردوە و کاتژمێر دەو نیوی شەو پەیوەندی لەگەڵ ناوەندی ڕادەردا پچڕاوە.

 

دوای گەڕان و پشکنین کاتژمێر سێی بەیانی پاشماوەی فڕۆکەکە لەسەر چیاکە دۆزرایەوە.

 

دوا به‌ دوای رووداوه‌كه‌ش سوله‌یمان سۆیڵو وه‌زیری ناوخۆی توركیا، به‌ یاوه‌ری به‌ڕێوه‌به‌ری گشتیی ئاسایشی وان گەیشتە ناوچەکە.

3097 جار خوێندراوەتەوە