بەرپرسانی تەندروستی ئەمەریکا: مەزەندە دەکەین 20 ملیۆن کەس توشی کۆرۆنا بووبن

10:41 - 26/06/2020
جیهان

بەرپرسانی تەندروستی ئەمریکا مەزەندە دەکەن تا ئێستا 20 ملیۆن کەس لە دانیشتوانی ئەمریکا توشی کۆرۆنا بووبن،بەڵام زۆرینەیان پشکنینیان بۆ نەکراوە و پێی نەزاندراوە.

 

ئاژانسی ئەسۆشێتدپرێس ڕایگەیاندوە، ئەو 20 ملیۆن کەسە دەکاتە شەش لە سەدی دانیشتوانی ئەمریکا و دە هێندەی ئەو ژمارەیەیە کە بە پشكنین پشتڕاستکراوەتەوە.

بەرپرسانی تەندروستی ئەمریکا ئاماژەیان بەوەشکردوە، کە بەشێکی زۆری هاوڵاتیان بێ ئەوەی ئاگاداربن توشبوون و چاکبونەتەوە، هەر ئەوەش وایکردوە زیاتر بڵاوببێتەوە.

د.روبرت رێدفیڵد بەڕیوەبەری ناوەندی کونتڕۆڵ و بەرگرتن لە نەخۆشییەکان ڕایگەیاندوە، ئێمە ئەمڕۆ بەراورد لەگەڵ مانگەکانی سێ یان چوار لە دۆخێکی جیاواز داین،چونکە ئێستا زیاتر گەنجان توشی نەخۆشیەکە دەبن،بەڵام زۆرینەی گەنجان گیان لەدەستنادەن و چاکدەبنەوە.

661 جار خوێندراوەتەوە