پارێزگاری سلێمانی رایگەیاند، کاتی ئەوەیە بە کارکردنی شەوانە و ڕۆژانەی بەردەوام قەرەبووی بەشێک لە زیان و نەهامەتییەکانی ڕۆژانی ڕابردوو بکرێتەوە.

 

د. هەڤاڵ ئەبوبەکر پارێزگاری سلێمانی لە پێگەی خۆی لە تۆڕی کۆمەلایەتی فەیسبووک بڵاویکردۆتەوە، "لەگەڵ داوای ڕەواو کار و کەسابەت و ژیانی شکۆمەندانە و چارەسەرکردنی خەم و گرفت و کێشەکاندان، بۆیە کاتی هاتووە بە کارکردنی شەوانە و ڕۆژنەی بەردەوام، قەرەبووی بەشێک لە زیان و نەهامەتییەکانی ڕۆژانی رابردوو و هەفتە و مانگەکانی پێشوو بکەینەوە.

ئاماژەی بۆئەوەشکردووە،" پێکەوە قۆناغە سەخت و مەترسیدارو هەڕەشە گەورەکانی کۆرۆنامان گەیاندە قۆناغێکی باش، دەبێت بەردەوام پێکەوەبین، بۆ ئەوەی بەهەمومان دۆخی بژێوی خەڵک و ئابوریی دەوڵەتیش بەهەمان گیان و ئامانج و ئیرادەو سوربوون و بەردەوامبوون، چارەسەربکەین.