بەرەبەیانی ئەمڕۆ لە یەکێک لە نەخۆشخانەکانی شاری هەولێر هونەرمەند سەعید گاباری لە تەمەنی ٦٥ ساڵیدا کۆچی دواییکرد.

 سەعید گاباری خەڵکی شاری عامودێی رۆژئاوای کوردستانە و ماوەیەکە نەخۆشی شێرپەنجەی سییەکانی هەبوو.

بڕیارە لە سەر وەسیەتی خۆی لە گۆڕستانی مەلا ئۆمەر لەلای کەسانی تری بنەماڵەکەی لە شاری هەولێر بەخاکبسپێردرێت.

سەعید گاباری لە تەمەنی منداڵیەوە بینای چاوەکانی لەدەستداوە و لە ساڵانی هەشتاکانیشەوە هاتۆتە هەرێمی کوردستان.

هەروەها لە ژیانی هونەری خۆیدا دەیان گۆرانی وتووە بەتایبەت گۆرانی بۆ پێشمەرگە.