وادەی ئەنجامدانی ئۆڵۆمپیادی تۆکیۆ ئاشکرا کرا

04:48 - 30/03/2020
وەرزش

لیژنەی ئۆڵۆمپیادی نێودەوڵەتیی وادەی ئەنجامدانی ئۆڵۆمپیادی تۆکیۆ٢٠٢٠ی دیاری کرد.

 

 
لیژنەی ئۆڵۆمپیادی نێودەوڵەتیی لە ماڵپەڕی تایبەتی خۆی رایگەیاند، بڕیاربوو ئۆڵۆمپیادی تۆکیۆ ٢٠٢٠ لە ٢٤ی تەمووز تا نۆی ئابی ئەمساڵ ئەنجامبدرێن، بەڵام بەهۆی ڤایرۆسی کۆرۆنا بۆ کاتێکی دیکە دواخرا و لە ساڵی داهاتوودا ئەنجامدەدرێت.

ئەوەش خراوەتەڕوو، ئۆڵۆمپیادی ئاسایی لە ٢٣ی تەمووز تا هەشتی ئابی ٢٠٢١ ئەنجامدەدرێت و ئۆڵۆپیادی خاوەن پێداویستییە تایبەتەکانیش لە ٢٤ی ئاب تا پێنجی ئەیلوولی ٢٠٢١ ئەنجامدەدرێت. 

 

 

لەگەڵ ئەوەی بڕیاربوو دوانەخرێت، بەڵام بەهۆی کشانەوەی هەندێک وڵات و تەشەنەسەندنی زیاتری ڤایرۆسی کۆرۆنا، هەفتەی رابردوو بڕیاری دواخستنی پاڵەوانییەتییەکە درا.

 

بڕیاربوو لە ئۆڵۆمپیادی ژاپۆن، 15 هەزار یاریزان لە 207 وڵاتەوە و لە 33 وەرزشی جیاوازدا بەشداری بکەن، کە کێبڕکێیان لەسەر بەدەستهێنانی 900 مەدالیای زێڕ دەکرد.

488 جار خوێندراوەتەوە