لە ئیسپانیا ژماره‌ی پێوانه‌یی مردن و تووشبوون به‌ كۆرۆنا تۆماركران

04:00 - 24/03/2020
جیهان

له‌ ئیسپانیا ژماره‌ی ئه‌و كه‌سانه‌ی به‌هۆی تووشبوونیان به‌ ڤایرۆسی كۆرۆنا گیانیان له‌ده‌ستداوه‌ گەیشتە ٥١٤ كه‌س و بەمەش ژمارەیەکی پێوانەیی تۆمارکرد.


له‌ ئیسپانیا ژماره‌ی ئه‌و كه‌سانه‌ی به‌هۆی تووشبوونیان به‌ ڤایرۆسی كۆرۆنا گیانیان له‌ده‌ستداوه‌، به‌ تۆماركردنی ٥١٤ كه‌س له‌ ماوه‌ی ٢٤ كاتژمێردا كه‌ ژماره‌یه‌كی پێوانه‌ییه‌، گه‌یشته‌ دوو هه‌زار و ٦٩٦ كه‌س و ژماره‌ی حاڵه‌ته‌كانی تووشبوونیش شه‌ش هه‌زار و ٥٨٤ كه‌س زیادی كرد و گه‌یشته‌ ٣٩ هه‌زار و ٦٧٣ كه‌س.  


به‌و پێیه‌ش ژماره‌ی ئه‌و كه‌سانه‌ی به‌هۆی تووشبوونیان به‌ ڤایرۆسه‌كه‌ گیانیان لەدەستداوە ٥١٤ كه‌س زیادی كردووه‌ و له‌ دوو هه‌زار و ١٨٢ كه‌سه‌وه‌ بۆ دوو هه‌زار و ٦٩٦ كه‌س به‌رزبووه‌ته‌وه‌ و ژماره‌ی حاڵه‌ته‌كانی تووشبوونیش، شه‌ش هه‌زار و ٥٨٤ حاڵه‌ت زیادی كردووه‌ و له‌ ٣٣ هه‌زار و ٨٩ حاڵه‌ته‌وه‌ گه‌یشتووه‌ته‌ ٣٩ هه‌زار و ٦٧٣ حاڵه‌ت.


له‌ ماوه‌ی ٢٤ كاتژمێری رابردوودا، به‌رزترین ژماره‌ی مردووان و تووشبووان به‌ ڤایرۆسه‌كه‌ تۆماركراون. 


وەزارەتی تەندروستی ئیسپانیا بڵاویشیکردەوە، له‌ ماوه‌ی ٢٤ كاتژمێری رابردوودا، ٤٣٩ كه‌س چاكبوونه‌ته‌وه‌ و ره‌وانه‌ی ماڵه‌كانیان كراونه‌ته‌وه‌، تا ئێستاش سێ هه‌زار و ٧٩٤ كه‌س له‌ ڤایرۆسه‌كه‌ چاكبوونه‌ته‌وه‌.  

3531 جار خوێندراوەتەوە