سەدر بۆ دەرکردنی هێزەکانی ئەمریکا داواکارییەکی بڵاوکردەوە

05:13 - 14/01/2020
عێراق

موقتەدا سەدر لە بەیاننامەیەکدا، بۆ دەرکردنی هێزەکانی ئەمریکا لە عێراق، داوای خۆپیشاندانی ملیۆنی دەکات.

 

رێبەری رەوتی سەدر لە بەیاننامەکەیدا ئاماژە بەوە دەکات، ئاسمان، خاک و سەروەری عێراق لەلایەن هێزە داگیرکەرەکانەوە پێشێلکراوە.

 

سەدر روو لە خۆپیشاندەران دەکات و دەڵێت، "دڵنیام ئێوە بۆ هەموو لایەکی دەسەلمێنن ملکەچی بۆ ئەمریکا نانوێنن و تەنها بۆ خودا ملکەچ دەبن."

 

 

رێبەری رەوتی سەدر، لە ستایشی خۆپیشاندەراندا باس لەوە دەکات، شۆڕشی عێراق دەبێت بە خێر و بەرەکەت بۆ عێراق و گەلەکەی..

2383 جار خوێندراوەتەوە