زەین ئەلعابیدەین، سەرۆکی دورخراوەی تونس كۆچی دوایی كرد

06:20 - 19/09/2019
جیهان

ئێوارەی ئەمڕۆ 19/9/2019 زەین ئەلعابیدەین، سەرۆککۆماری له‌سه‌ر كارلابراوی تونس لە تەمەنی 83 ساڵیدا لە سعودییە گیانی لە دەستدا.

 

مونیر بن ساڵحه‌، پارێزەرەکەی زەین ئەلعابیدەین، بە سکای نیوزی ڕاگەیاندووە: دوای مردنی العابیدین لە سعودییە دەنێژرێت و ناگەڕێندرێتەوە تونس.

 

بەپێی زانیارییەکانی پارێزەرەکەی زەین ئەلعابیدەین، ناوبراو پێشتر نەخۆشی شێرپەنجەی پرۆساتی هەبووە و چەند ساڵێک بەو نەخۆشییەوە ناڵاندوویەتی.

 

زەین ئەلعابیدەین لە ساڵی 2011 ه‌وە دوای خۆپیشاندانەکانی تونس، کە داوای لەسەرکارلابردنیان دەکرد، له‌گه‌ڵ خانه‌واده‌كه‌ی به‌ فڕۆكه‌ تونسی جێهێشت و ئێستاش دوای مردنی، بڕیارە لە وڵاتی سعودییە بنێژرێت.

826 جار خوێندراوەتەوە