كازاخستان؛لەم خولەی ئەستانەدا گفتوگۆ لەبارەی دەستوری سوریا و گروپە چەكدارەكانی پارێزگای ئیدلب دەكرێت
بڕیارە ئەمڕۆ خولێكی دیكەی گفتوگۆكانی ئەستانەی تایبەت بە پرۆسەی ئاشتی لەسوریا دەستپێبكات و دەستوری سوریا و ئایندەی گروپە چەكدارەكانی پارێزگای ئیدلبیش تەوەرەی سەرەكی گفتوگۆكان دەبن.
ئاژانسەكانی هەواڵ بڵاویانكردەوە، ئەمرۆ 12 هەمین خولی گفتوگۆكانی ئاشتی لەسوریا لەشاری نورسوڵتانی پایتەختی كازاخستان بەرێوەدەچێت و ماوەی 2 رۆژ دەخایەنێت.
سەبارەت بەكارنامەی كۆبونەوەكانی ئەم خولەی گفتوگۆكانی ئەستانە، سێرگی لاڤرۆڤ وەزیری دەرەوەی روسیا رایگەیاند، پێكهێنانی لیژنەی نوسینەوی دەستوری سوریا و ئایندەی گروپە چەكدارەكانی پارێزگای ئیدلیب گفتوگۆیان لەبارەوە دەكرێت.
لەكۆبونەوەكەدا جگە لە وەفدی حكومەتی سوریا و ئۆپۆزسیۆنی ئەو وڵاتە، نوێنەرانی روسیا و ئێران و توركیا و ئوردن و هەروەها گێر بیدەرسۆن نێردەی تایبەتی نەتەوە یەكگرتوەكان بۆكاروباری سوریا و نوێنەرانی كۆمسیۆنی باڵای پەنابەرانی سەر بە نەتەوەیە كگرتوەكان و لیژنەی نێودەوڵەتی خاچی سوریش بەشداری دەكەن.
98 جار خوێندراوەتەوە