3 شوێن ئەگەری ئەوەیان هەیە جەنگی سێیەمی جیهانیان تێداهەڵگیرسێت

05:46 - 23/12/2018
جیهان

گۆڤاری زە نەشناڵ ئەنترێستی ئەمریكی بڵاویكردوەتەوە، چەندین ناوچەی گەرم لە جیهاندا هەن كە ئەگەری ئەوەیان هەیە جەنگی سێیەمی جیهانیان لێوە هەڵگیرسێت، لەوانە ئۆكرانیاو ناوچەی كەنداو و دەریای چین و نیوەدورگەی كۆریا.               

بەگوێرەی گۆڤارەكە دەریای چینی باشور ئێستا بوەتە خاڵێكی گەرم لەنێوان چین و ئەمریكاو لەسەروبەندی ئەو جەنگە بازرگانیەی كە ئێستا لەنێوانیادا هەیە ئەگەری پێكدادانی ئەو دوو وڵاتە لەئارادایە.

ئۆكرانیاش كەلەمساڵانەی دواییدا گرژیی و ئاڵۆزییەكان زیاتر ڕووی تێكردوە لەئەگەری پێكدادانی ڕوسیاو ئۆكرانیا ئەگەری ئەوە هەیە خۆرهەڵاتی ئەوروپا بگرێتەوەو شەڕێكی جیهانی بەرپاببێت.

 هەر بەگوێرەی گۆڤاری زە نەشناڵ ئەنترێست، سێیەمین شوێن كە ئەگەری ئەوەی هەیە لێیەوە جەنگی سێیەمی جیهانی بەرپابێت ناوچەی كەنداوو سوریاو یەمەنە ئەوەش بەهۆی ململانێكانی ئێران و ئەمریكا لەناوچەكە.

7232 جار خوێندراوەتەوە