بزوتنەوەی گۆڕان لە ساتی دامەزراندنیەوە بە زریانێکی (سیاسی، حکومڕانی، بەڕێوەبردن، کۆمەڵایەتی) وێنا دەکرا بە هێزێک داینەمیکی دژ بە چەق بەستوی قەتیس بون و جەمسەرگیری هێز لە نێوان جەمسەرە جیاوازەکان لەسەرهەر یەکە لە ئاستەکانه (ناوخۆیی، هەرێمایەتی، نێودەوڵەتی) بۆیە دۆخێک ئاساییە کە لە لایەن هەر سێ کاستە جیاوازەکە ڕێگری و تەنگەژەی بۆ دروست بکرێ لە پێناو کەمکردنەوەی کاریگەری و جێگیر بون و ڕەنگدانەوە بیرۆدۆزەکانی بۆ سەرجەم کایە جیاوازەکان.

لە دوای ڕوداوەکانی بڕینی بەشە بودجەی هەرێم و جەنگی داعش و سست کردن و هەڵپەساردنی دامەزراوەی پەرلەمانی کوردستان و تیمى حکومی بزوتنەوەی گۆڕان و جێبەجێ نەکردنی ڕێکەوتنامە جیاوازەکان لەگەڵ هەردوو حیزبی دەسەڵاتداری هەرێم و مەرگی ڕەوانشاد نەوشیروان مستەفا و ڕاپرسی و ڕیفراندۆم و ڕوداوەکانی ١٦ ئۆکتۆبەر، ڕەد کردنەوەی بزوتنەوەی گۆڕان بۆ هەژمونی هیچ هێزێکی هەرێمی، لە نێوان بەرژەوەندی حیزب و تاک لەگەڵ بەرژەوەندی باڵای هاوڵاتیان و پاراستنی قەوارەی هەرێم لە لەت بون و دوکەرت بوندا، بزوتنەوەی گۆڕان باجی گەورە و گران و بەرچاوی دا تەنها لە پێناوی هاوڵاتیان.

زریانی دەستکرد وەک تۆڵە:
دوای سەرجەم ئەو ڕوداوانە هەنگاوەکانی (بێ هیواکردن، تەخوین، تۆقاندن، ترساندن، شەیتاندن، دراواندن) بەرامبەر سەرکردایەتی و بنکردایەتی بزوتنەوە دەستی پێکرد، بە جۆرێک سەرجەم هەڵە و کەم کورتی حکومڕانی چەندین ساڵی هەرێم دەکرا بە تەوقی ئاگرین دەکرا بە بەرۆکی بزوتنەوەکە و سەرکردایەتی بزوتنەوەکەوە، واز هێنان لە بە کارەساتەکان کە دەرهەق بە چەمکە نیشتمانی و نەتەوەی و بنچینەکانی حکومڕانی و یاسادانان و دادگەری….. هتد دەکرا، هاوێنە خستنە سەر جەستەی بزوتنەوەکە ئەمەش پڕاو پڕ پێچەوانەی عورف و بەها و بنەماکانی کاری سیاسی بو.

لە هەمان کاتتدا زۆرینەیەکی زۆری هاوڵاتیان، چاودێرانی سیاسی، ڕۆشنبیران، ئەکادیمیست، چالاکوانی کۆمەڵگەی مەدەنی، بگرە بەشێک لە هەڵسوراوان و کاراکتەرە سیاسیەکانی بزوتنەوەکەش کەوتبونە هالەی ئەو جەنگە دەرونیەوە ڕستە و شاڕستەی ئەو جەنگە درەونیە ببو بە پەیڕەو نەهجی کارکردنیان و ڕەنگدانەوەی هەبوو لەسەریان، لە هەمان کاتتدا دڵنیا بون لەوەی بزوتنەوەی گۆران هەرگیز دەسەڵاتی ڕەهای نەبوو لە جومگە هەستیارەکاندا، مەلەفی پەیوەندیەکان، مەلەفی نەوت و سامانە سروشتیەکان، مەلەفی هێزی ئەمنی و چەکدار، مەلەفی هەواڵگری و زانیاری…. هتد بەدەست کاراکتەرەکانی بزوتنەوەکە نەبوە، ئەم بزوتنەوە بێ چەکە جەماوەریە ئاشتی خوازە لە ئەجێندای کاریان بریتیە بووە لە بە نیشتمانی کردنی ئەم مەلەفانە.

قۆناغی ئێستا:
دوای بڕینی سەرجەم ئەو کۆسپ و نشێوی و تەگەرە دروستکراوە ناسروشتیانە بۆ هەمولایەک دەرکەوت بزوتنەوەی گۆڕان لە دەستێکی ئەمیندایە هەوڵێکی حەکیمانە و وردبینانە واقعیانە، سەرەڕای ئەو هەموو تەنگژە (سیاسیە، کۆمەڵایەتیە، ئابوریە، ئەمنیە، سایکۆلۆژییە)، لە ئێستادا کاردەکات بۆ هەڵبژاردنی ناوخۆیی و هەڵبژرادنی ئەنجومەنی نوێنەرانی عێراق، کاردەکات بۆ بەستنی دوەم کۆنفرانسی نیشتمانی، تیمی حکومی لە کابینەی نۆیەمی و حکومەتی خۆجێی و فراکسیۆنەکان خۆنەویستانە کاردەکەن لە پێناو هاوڵاتیان، ئەوەی ئەم تابلۆ گشتگیرەی دروست کردوە تەنها بەرنامەی بزوتنەوەی گۆڕانە لە پێناو هاوڵاتیانە نەک دابەشبونی( مادی، هەرێمی، دەسەڵات، تاکپەرستی).