دابەزینی بەهای دۆلار بەرامبەر بە دیناری عێراقی بۆ هەزار و 630 دینار، کاریگەریی ئەرێنیی ڕاستەوخۆی لەسەر بازاڕ دەبێت و پێشبینی دەکرێت ببێتە هۆی هەرزانبوونی نرخی کاڵا و شمەک.

نەبیل مەرسومی، شارەزای ئابووری ڕایدەگەیەنێت؛ ئەگەر بەهای دۆلار لە نێوان هەزار و 600 بۆ هەزار و 630 دیناردا جێگیر بێت (160  بۆ 163 هەزار دینار بۆ هەر 100 دۆلارێک)، ئەوا نرخی کاڵاکان لە بازاڕدا پاشەکشە دەکەن و هەرزان دەبن.

ئەو شارەزایەی ئابووری هۆکاری ئەم پێشبینییەشی بۆ ئەوە گەڕاندەوە، کە پێشتر و بەر لە گۆڕانکارییەکانی بازاڕی دراو، بازرگانان لە بنەڕەتدا نرخی کاڵاکانیان لەسەر بنەمای هەزار و 600 دینار بۆ هەر دۆلارێک دیاری کردبوو.