جێگری سەرۆکی ئەمریکا دەڵێت، دەرفەت بۆ رێککەوتن لەگەڵ ئێران هەیە، بە مەرجێک ئەو وڵاتە نیازپاکی بسەلمێنێت و پابەندبێت بە بەڵێنەکانیەوە و بە شێوەی باشتر مامەڵە بکات.

جەی دی ڤانس رایگەیاند، سەرەڕای بوونی مەودا، بەڵام دەرفەت هەیە بۆ رێککەوتن لەگەڵ تاران، ئەوەش پەیوەستە بە مامەڵە و هەڵسوکەوتی تارانەوە و پێویستە پێش واژۆکردنی هەر رێککەوتنێک، مامەڵەی خۆی باش بکات.

جێگری سەرۆکی ئەمریکا روونیشی کردەوە، سیاسەتی واشنتن لە ماوەی دوو مانگی داهاتوودا لە سەر بنەمای هەنگاو و ئاراستە مەیدانییەکان دەبێت نەک تەنها لێدوان و قسەی بێ کردار و جەختیشی کردەوە  کە گەیشتن بە هەر رێککەوتنێک بەپلەی یەکەم پەیوەستە بەوەی تاران نیازپاکی خۆی بسەلمێنێت و پابەندی بەڵێنەکانی بێت.

ڤانس سەبارەت بە دۆخی ناوخۆیی و سەرکدایەتی ئێرانیش ئەوەی خستەڕوو: کە پێیوایە موجتەبا خامنەیی هێشتا لە ژیاندایە، بەڵام لە بەشدار نییە لە وردەکارییەکانی بەڕێوەبردنی راستەوخۆ و رۆژانەدا.