وەزارەتی بازرگانیی عێراق دڵنیایی دەداتە هاووڵاتییان لەبارەی بەردەستبوونی یەدەگی ستراتیژیی خۆراک و گەنم، و جەخت لەوە دەکاتەوە کە هیچ جۆرە کەمییەک لەو ماددانەدا بوونی نییە.

ستار جابری، بریکاری وەزارەتی بازرگانی لە لێدوانێکی ڕۆژنامەوانیدا ڕایگەیاند: یەدەگی ستراتیژیی سەبەتەی خۆراک و گەنم بەردەستە و بۆ ماوەی ساڵێک و نیو بەش دەکات، هەروەها هیچ کەموکوڕییەک لە هیچ کام لە ماددە خۆراکییەکاندا نییە.

بریکارەکەی وەزارەتی بازرگانی ئاماژەی بەوەشکرد، ڕووداوەکانی ئێستا و داخستنی گەرووی هورمز هیچ کاریگەرییەکیان لەسەر دابینکردنی ماددە خۆراکییەکان نەبووە، چونکە وەزارەتەکەیان بەمەبەستی هاوردەکردنی خۆراک، چەند ڕێڕەوێکی دیکەی گۆڕیوە و جێگرەوەی بەکارهێناوە.