سوپای
پاسدارانی ئێران، بەرەبەیانی ئەمڕۆ شەممە، ڕایگەیاند کە هێزە ئاسمانییەکانیان بە
هێرشی موشەکی و درۆنی بنکەیەکی ئەمریکایان لە ناوچەی (ئەزڕەق)ی ئوردن کردووەتە
ئامانج و زیانی گەورەیان بە فڕۆکەکانی ئەو بنکەیە گەیاندووە.
بەپێی
ڕاگەیەندراوێکی سوپای پاسداران، هێرشەکە لە قۆناغی 20ی ئۆپەراسیۆنی (نەسر 2) و لە
وەڵامی هێرشەکانی شەوی ڕابردووی ئەمریکا ئەنجامدراوە. ئاماژە بەوەش کراوە، هێرشە
موشەکی و درۆنییەکان هاوکات بوون و پەناگەی فڕۆکە جەنگییەکان و گۆڕەپانێکی گەورەی
وەستانی فڕۆکەیان لە بنکە ئەمریکییەکەی ئوردن کردووەتە ئامانج.
لە بەشێکی
دیکەی ڕاگەیەندراوەکەدا هاتووە، بەهۆی هێرشەکەوە لانی کەم دوو فڕۆکەی جەنگی و سێ فڕۆکەی
دیکەی ئەمریکی بەتەواوی لەناوچوون و زیانی گەورەش بە ژمارەیەک فڕۆکەی تر گەیشتووە.
72 جار خوێندراوەتەوە