کیم جۆنگ ئون ستایشی ئازایەتی بێهاوتای سەربازانی وڵاتەکەی کرد کە شانبەشانی هێزەکانی ڕوسیا دژی ئۆکرانیا شەڕیان کردووە و دەڵێت پشتیوانی بێمەرجی ڤلادیمێر پوتینە.

هەواڵ:KNNC

ئاژانسی هەواڵی کۆریای باکور لە زاری کیم جۆنگ ئون ڕێبەری کۆریای باکورەوە ڕایگەیاندوە کە ڕۆڵی سەربازانی وڵاتەکە لە شەڕی دژ بە ئۆکرایندا جێگەی ستایش و قارەمانانەیە.

کیم جۆنگ ئون ڕایگەیاند: ستایشی بوێریی و قارەمانییەتی بێهاوتایەی سەربازانی سوپای کۆریا دەکات کە بەشداری ئۆپەراسیۆنە سەربازییەکانی دەرەوەی وڵات دەکەن، دەبێت لە مێژوودا وەک هێمای دەسەڵاتی نەدۆڕاو و شانازیی بنوسرێتەوە.

کیم جۆنگ ئون جەختی لە پاڵپشتیکردنی بێمەرجی بۆ ڕوسیا کردەوە و بەڵێنی پشتیوانی بێمەرجی بۆ هەموو سیاسەت و بڕیارەکانی ڤلادیمێر پوتینی سەرۆکی ڕووسیا دا.

چوار مانگ بەر لە ئێستا و لە مانگی تشرینی یەکەمدا باڵیۆزی ڕوسیا لە کۆریای باکور لە میانی بەشداریکردنی لە ڕێوڕەسمی دامەزراندنی "مۆزەخانەی یادەوەری کارەساتەکانی شەڕ" ڕایگەیاند پەیوەندییەکانی کۆریا و مۆسکۆ گەیشتوونەتە لوتکەیەکی مێژوویی...