مەسعود پزشکیان دەڵێت ئێران بەدوای چەکی ئەتۆمەوە نییە و دەتوانن ئەو ڕاستییە بۆ هەمووان بسەلمێنن، لەگەڵ ئەوەشدا وڵاتانی ناوچەکە خۆیان دەتوانن خۆیان بپارێزن بەبێ دەستوەردانی دەرەکیی.

هەواڵ:KNNC

مەسعود پزشکیان سەرۆککۆماری ئێران لە یادی 47 ساڵەی شۆڕشی ئیسلامیی ئێراندا لەبەردەم ئێرانییەکان وتارێکی پێشکەشکرد و تیایدا ئاماژەی بە پەیوەندییەکانی نێوان ئێران و ئەمەریکا و دانوستانەکان کرد و ڕایگەیاند: ئێران بە هیچ جۆرێک بەدوای چەکی ئەتۆمەوە نییە و دەتوانن ئەو ڕاستییەش بۆ جیهان بسەلمێنن بەهەر ڕێگەیەک بێت.

پزشکیان ئاماژەی بەوەشکرد ئێران هەقی کەسی نییە و دەبێت ئەو دیوارە بێمتمانەیی و بێباوەڕیی ئەمەریکا و ئەوروپا دروستیان کردوە تێکبشکێندرێت.

لەبارەی پەیوەندییەکانی ئێران و وڵاتانی دراوسێش ئاماژەی بەوەکرد، کە دەبێت پێکەوەیی و برایەتی و پەیوەندیی ئێران و دراوسێکانی بەهێزبێت، لەگەڵ ئەوەشدا وڵاتانی ناوچەکە خۆیان توانای بڕیاردان و دیاریکردنی چارەنوسی خۆیان هەیە و دەتوانن خاوەنداریی خۆیان بکەن بەبێ دەستوەردانی دەرەکی...