دەوڵەت باخچەلی دەڵێت لەم جیهانەی کەس پارێزراو نییە دەبێت تورکیا بپارێزین، بۆ ئۆجالان مافی هیوا با دەمیرتاشیش بچێتەوە ماڵەوە و ئەحمەد تورکیش بۆ پۆستەکەی بگەڕێتەوە، تورکیای بێتیرۆر ئامانجە و کورد تەنها پەکەکە و یەپەگە نییە.

هەواڵ:KNNC

دەوڵەت باخچەلی سەرۆکی پارتی نەتەوەپەرستی تورکیا-مەهەپە لە نوێترین لێدوانیدا ڕایگەیاند: لەم جیهانە پڕ لە کێشە و شەڕەدا کە هیج شتێک تێیدا پارێزراو نییە ئەرکی هەمووانە تورکیا بپارێزن و بەدووری بکەن لە مەترسییانەی هەیە، دۆزینەوە ڕێگەی دروست بۆ دیموکراسییەت بۆ قۆناغەکە پێویستیی و گرنگییە.

باخچەلی وتیشی، بڕیار و هەنگاوەکانیان ڕوونە بۆ گێڕانەوەی ئاشتیی بۆ تورکیا، مافی هیوا بۆ عەبدوڵڵا ئۆجالان و ئازادیی بۆ سەڵاحەدین دەمیرتاش و با بگەڕێتەوە بۆ ماڵەکەی خۆی، ئەحمەد تورکیش بچێتەوە سەر کورسییەکەی خۆی لە پۆستی پارێزگاری مێردیندا.

لە بەشیێی قسەکانیدا دەوڵەت باخچەلی وتی، کورد بریتیی نییە لە پەکەکە و یەپەگە و دەبێت مافیان هەبێت لە تورکیای بێتیرۆر و سوریای یەکپارچەدا و ڕێککەوتنەکان جێبەجێبکرێن، گوێ بەو دەنگانەش نادەن کە دەیانەوێت ڕێگە لە ئامانجەکانی تورکیا بگرن بۆ سەقامگیربوون...