عێراق نزیکەی 450 گیراوی داعشی لە سوریا وەرگرتوەتەوە و بەرپرسێکیش دەڵێت تەنها ئەوانەی لە عێراق تاوان دەکەن لە عێراق سزا دەدرێن و دەبێت وڵاتان هاووڵاتییانی خۆیان لە سوریا وەربگرنەوە،

هەواڵ:KNNC

هیشام عەلاوی یاریدەدەری وەزیری دەرەوەی عێراق ڕایگەیاند: ژمارەی ئەو ئەندامانەی داعش کە عێراق لە سوریا وەریگرتونەتەوە بریتین لە 450 کەس کە ئەمیر و پلەباڵاشیان تێدایە.

وتیشی، ئەوانەی تاوانیان ئەنجامداوە ڕەوانەی دادگاکان دەکرێن، هاوکات ئەوانەی تاوانەکەیان نەسەلمێنراوە دەگوازرێنەوە بۆ ناوەندەکانی چاکسازی، هەروەها پێداچوونەوە بە دۆسیەکانیاندا دەکرێت

ئاماژەی بەوەشداوە، جیا لەوە ئێستا نزیکەی 7 هەزار ئەندامی ڕێکخراوی تیرۆرستی داعش لە سوریا ماون کە لە نەتەوەی جیاوازن و هاووڵاتیی وڵاتانی جیهانن و لە 40 نەتەوەن، عێراق بەرپرسیارییەتی خۆی هەڵدەگرێت و تەنها ئەوانە وەردەگرێتەوە کە هەڵگری ڕەگەزنامەی عێراقن و دەبێت وڵاتانی دیکەش هاووڵاتییانی خۆیان وەربگرنەوە چونکە ئێمە تەنها ئەوانە بە سزا دەگەیەنین کە عێراقیین یاخود لە وڵات تاوانیان ئەنجامداوە، جیا لەوە هەمووان بەرپرسیارن و نابێت خۆیان لە هاووڵاتییان بێبەریی بکەن...