شارەزایەکی ئابوریی دەڵێت ناجێگیریی بەهای دینار بەرۆکی عێراق بەرنادات و تەنها دوو بژاردە لەبەردەم دەوڵەتدایە بۆ دەربازبوون لە قەیرانەکە ئەویش یان بەرزکردنەوەی نرخی دۆلارە یان کەمکردنەوەی موچەیە.

هەواڵ:KNNC

ناجێگیریی بەهای دینار بەردەوامە و لەوبارەیەوە نەبیل مەرسومی شارەزای ئابوریی: حکومەتی داهاتوو دوو بژاردەی لەبەردەمدایە بۆ دەرچوون لەو دۆخە قەریاناوییە، یان کەمکردنەوەی مووچەی فەرمانبەران یان دەستکاریکردنی نرخی فەرمی دۆلار.

ئاماژەی بەوەشداوە، چیتر داهاتی نەوت بەس نییە بۆ عێراق و هەر نیشانەیەک بۆ ئاشتی و سەقامگیریی لە نێوان ئەمریکا، ئێران، ئۆکرانیا و ڕوسیا بە مانای داڕمانی نرخی نەوت و دۆخێکی کارەساتبار بۆ عێراق دێت، هەربۆیە حکومەتی داهاتوو جگە لە کەمکردنەوەی موچە و بەرزکردنەوەی نرخی دۆلار هیچ چارەسەرێکی دیکەی لەبەردەمدا نییە و ناچارە موچەی فەرمانبەران کەم بکاتەوە و ڕسومات و باج زیاد بکات...