سەرۆکی پەرلەمانی ئێران دەڵێت ئەوروپا شەڕانگێزە و بەپێی یاساکانمان سوپاکەشیان تیرۆرستییە.

هەواڵ:KNNC

محەممەد باقر قاڵیباف سەرۆکی پەرلەمانی ئێران لە میانی دانیشتنی پەرلەمانی وڵاتەکەدا ڕایگەیاند: یەکێتی ئەوروپا شەڕانگێزە و سوپاکەشیان تیرۆرستییە.

قاڵیباف ئاماژەی بەوەدا، یەکێتی ئەوروپا خەریکی خۆشکردنی ئاگری شەڕن لە ناوچەکە و ڕۆڵێکی خراپ دەگێڕن بە زیادکردنی گرژیی و ئاڵۆزییەکان بۆ ناقسەقامگیرکردن و تێکدانی ئارامیی.

وتیشی، سزاکانی ئەوروپا بۆسەر ئێران و بە تیرۆرست ناساندنی سوپای پاسداران، کاردانەوەی خراپی بەدوادا دێت و بەپێ یاساکانی ئێرانیش سوپای ئەوروپا سوپایەکی تیرۆرستییە، هەروەها ئەوروپا بەرپرسیاری هەر کاردانەوەیەکە، چونکە ئێران لەچوارچێوەی یاساییدا کاردانەوەی بۆ هەر کارێک دەبێت و سەروەریی خۆی دەپارێزێت...


بەیاننامەکەی سەرۆکی پەرلەمانی ئێران لە کاتێکدایە کە گرژیی و ئاڵۆزییەکانی نێوان ئێران و یەکێتیی ئەورووپا پەرەی سەندوە، ئەوەش دوای ڕاگەیاندنی کۆمەڵێک لە ڕێوشوێنەکانی برۆکسل کە بریتی بوو لە دەستنیشانکردنی سوپای پاسداران وەک ڕێکخراوێکی تیرۆریستی و سەپاندنی سزا بەسەر کاربەدەستانی ئێرانی، کە هەڕەشەی ئاڵۆزترکردنی پەیوەندییەکانی نێوان هەردوولا لە ماوەی داهاتوودا دەکات...