بەڕێوەبەریی خۆسەر داوای پاراستنی کوردانی حەلەب دەکات دەشڵێت دڵنیاییدان لە سەقامگیریی دۆخەکە بوونی هێزێکی نێودەوڵەتییە بۆ پاراستنی ناوچەکە.

هەواڵ:KNNC

بەڕێوەبەری خۆسەر لە بەیاننامەیەکیدا لەبارە دۆخی حەلەب و دەستبردن بۆ ماڵ و ژیانی کوردەکان لەلایەن چەکدارانی دیمەشق و گروپە گرێدراوەکانی تورکیا ڕایگەیاند: خەڵکی سڤیل ڕووبەڕووی هەموو جۆرە ئازار و ئەشکەنجە و تاوانێکی جەنگیی بوونەوە لەلایەن ئەو گروپانەوە، خەڵک لە ماڵی خۆی ڕاگوێزرا و کۆچی زۆرەملێی پێکرا لەلایەن هێزێکەوە کە داعش سەرکردایەتی دەکات.

خۆسەر وتوشییەتی، بە لەبەرچاوگرتنی نەبوونی متمانە بە هێزە ئەمنییەکانی دەوڵەت، کە لەلایەن کەسانی خاوەن ئایدۆلۆژیای توندڕەو و سەر بە داعشەوە سەرکردایەتی دەکرێن داوا لە کۆمەڵگەی نێودەوڵەتیی دەکەین هەڵوێستیان هەبێت بەرپرسیارییەتی خۆیان لە ئەستۆ بگرن و چاودێری بارودۆخی مرۆیی و ئەمنی لە گەڕەکی شێخ مەقسوود و ئەشرەفییە بکەن، داوای جێگیرکردنی هێزێکی نێودەوڵەتی لەو دوو گەڕەکە دەکەین بۆ ڕێگریکردن لە تاوانی دیکە...