کەشناسیی هەرێم پێشبینییەکانی کەشوهەوای بڵاوکردەوە و بارانبارین تا سبەینێ بەردەوام دەبێت.

هەواڵ:KNNC

بەڕێوەبەرایەتی كەشناسیی هەرێمی كوردستان كەشی پێشبینیكراوی 48 كاتژمێری داهاتووی بڵاوكردەوەو ڕایگەیاند:   كەشی ئەمڕۆی ناوچەكە بە گشتی ئاسمان هەور و  هەندێ كات نیمچە هەور دەبێت ,كاریگەری شەپۆلی بارانبارینیش بەرەو كۆتای دەچێت، بەڵام ناجێگیری كەش  هەندێ جار چالاک دەبێت لە ناوچە شاخاوییە بەرزەكان و بەشێک لە سنووری پارێزگای هەولێر و ئەگەری كەمێك باران لەسەنتەری پارێزگای هەولێر  و بەشێك لە سنووری پارێزگای دهۆک لەكاتی جیاجیا هەبێت .

ڕایگەیاند: كاریگەری ئەم شەپۆلە لەسەر سنووری پارێزگای سلێمانی و هەڵەبجە و ئیدارەی گەرمیان  لەكاتەكانی پێش نیوەڕۆی ئەمڕۆ چوار شەممە كۆتای دێت  ئەوەی دەمێنێتەوە ئەگەری نمە بارانە لە سەر ناوچە جیاوازەکان. 

سەبارەت بە كەشی سبەی پێنجشەممە ئاماژە بەوەدراوە، ئاسمان نیمچە هەور دەبێت و لە ناوچە شاخاوییەكان هەندێ كات دەگۆڕێت بۆ هەوری تەواو  و ئەگەری نمە باران لە هەندێ كاتدا هەیە , وە بەگشتی كەشەكە تا ڕادەیەك جێگیرە جگە لە ناوچە شاخاوییە بەرزەكان  هەندێ كات نمە بارانی دەبێت و پلەكانی گەرما   كەمێك بەرز دەبێتەوە بەراوورد بە تۆماركراوەكانی ئەمڕۆ...