محەممەد شیاع سودانی دەڵێت بە مەبەست حکومەتەکەی بە ئامانج دەگرن و دەیکەنە شەیتان و ناوهێنانی حزبوڵڵا و حوسییەکانیش وەک تیرۆرست بە بێمانا ناودەبات دەشڵێت چەکدانان بە ڕێککەوتنی سیاسی دەکرێت نەک حکومەت.

هەواڵ:KNNC

محەممەد شیاع سودانی سەرۆکوەزیرانی عێراق لە لێدوانێکی نوێیدا ڕایگەیاند: هیج هەڵوێستێکی سیاسییان بەرامبەری حزبوڵڵا و حوسییەکان نییە و عێراق هەمیشە لەگەڵ گروپە ڕزگاریخوازەکانە کە دژی نادادیی و بە ئامانجگرتنی گەلی عەرەب دەجەنگن، هیج کینەلەدڵێک لەوەدا ناتوانێت ستەملێکراوانی عەرەب تێپەڕینێت،

وتی ئەوەشی ڕوویداوە لەبارەی ناوهێنانی گروپە لوبنانی یەمەنییەکە تەنها لەبەر جیانەکردنەوەی لیستەکانبووە و ئەو گورپانە پارە و سامانیان لە عێراق نییە تا بلۆکبکرێن، هەشیانبێت ناتوانن مامەڵەی پێوەبکەن، ڕاستییەکە ئەوەیە ئامانج کار لەسەر بەشەیتانکردن و ناشرینکردنی حکومەتەکەی دەکرێت، کۆی بابەتەکانیس پەیوەندییان بە دەستوەردانی دەرەکییەوە هەیە، بەڵام بێگومان هەموو شت لە کاتی پێویستتدا ئاشکرا دەکرێت و ڕێکاری توندیش دەگیرێتەبەر.

محەممەد شیاع سودانی ئاماژەی بەوەشکرد، ئەو بە هیج جۆرێک لە چوارچێوەی هەماهەنگی یاخی نەبووە و بەپێچەوانەوە تاکە سەرۆک وەزیرانە کە پابەندبووە بە کۆبونەوەو دیدارەكان لەگەڵ چوارچێوەکە و هاوپەیمانی ئیدارەی دەوڵەت، چونکە باوەڕی بە هاوبەشی هەیە،

لە بەشێکی قسەکانیدا سودانی وتی گۆڕینی پۆستی سەرۆکوەزیران بۆ کارێک (وەزیفە) پەسەندکراونییە و دەبێتە هۆی لاوازکردنی حکومەت، لە ئێستاشەوە هەڵمەتەکانی ناوزڕاندن و شکاندی دامەزراوەکە دەستیانپێکردوە

لەبارەی پرسی چەکدانانی گروپەکانیشەوە وتی، چەکداماڵینی گروپەكان بە بریاری حکومەت نابێت و ناتوانن چارەسەری ئەو دۆخە بەو ڕیگەیە بکەن بەڵکو ئەوە بە ڕێککەوتنێکی سیاسی بەرپرسیارانە چارەسەر دەکرێت...