سەرۆکایەتیی شارەوانیی هەولێر ڕایگەیاند، بەهۆی گۆڕانی کەشوهەوا و پێشبینیی هاتنی شەپۆلێکی بارانبارین، سەرجەم تیمەکانیان بە هەماهەنگی لەگەڵ لایەنە پەیوەندیدارەکان خستووەتە حاڵەتی ئامادەییه‌وه‌.

هەواڵ:KNNC

سەرۆکایەتییەکە لە ڕاگەیەندراوێکدا ئاماژەی بەوە کردووە، وێڕای ئەوەی پێشوەختە پلانی وەرزی زستانیان جێبەجێ کردووە کە خۆی لە خاوێنکردنەوەی مەنهۆڵ، چەپەرەکانی ئاو وەرگرتن و فراوانکردنی کەند و ڕێڕەوە سروشتییەکان دەبینێتەوە،  چەندین لیژنە و تیمی شارەزا لەگەڵ ئامێری قورسی فریاگوزاری لە تەواوی گەڕەک و شەقامەکانی سنووری شارەوانی جێگیر کراون.

شارەوانیی هەولێر داوا لە هاووڵاتیان دەکات، لە کاتی چڕبوونەوەی بارانبارین و هەر حاڵەتێکی کۆبوونەوەی ئاو یان مەترسیی دروستبوونی لافاو، بەزووترین کات پەیوەندی بە تیمەکانی فریاگوزارییەوە بکەن.
بۆ پەیوەندیکردن و ناردنی زانیاری (لە ڕێگەی پەیوەندیی تەلەفۆنی یان وەتسئەپ، ڤایبەر و تێلیگرام)، هاووڵاتیان دەتوانن ئەم ژمارانە بەکاربهێنن:

07509584838
07514146642