ماڵپەڕی ڤێریوێڵ هێڵس بڵاویكردوه‌ته‌وه‌ ، كه‌ به‌پێی نوێترین توێژینه‌وه‌ به‌كارهێنان و خواردنی بیبه‌ری توون و گه‌رم یارمەتی دابەزاندنی پەستانی خوێن دەدات، بەڵام خواردنی سۆسی گەرم یان بەرهەمە پرۆسێس کراوەکان ڕەنگە کاریگەری پێچەوانەی هەبێت.

هەواڵ:KNNC

به‌پێی هه‌مان سه‌رچاوه‌،کاپسایسین ئەو پێکهاتەیەی بەرپرسە لە گەرمی و توونی بیبەرو یارمەتی دابەزاندنی بەرزی پەستانی خوێن دەدات.

ئاماژه‌ به‌وه‌شكراوه‌ کاپسایسین یارمەتی دەردانی ئۆکسیدی نیتریک دەدات، کە مادەیەکە بۆرییەکانی خوێن نه‌رم و فراوانتر دەکات، بەمەش ڕۆیشتنی خوێن ئاسان ده‌بێت.

هه‌روه‌ها کاپسایسین تایبەتمەندی دژە هەوکردن و دژە ئۆکسانی هەیە، کە یارمەتی پاراستنی تەندروست بۆ خوێنبەرەکان دەدات و ئەگەری تووشبوون بە ڕەقبوونی خوێنبەرەکان و بەرزبوونەوەی پەستانی خوێن کەمدەکاتەوە و له‌گه‌ڵ ئه‌وه‌شدا ره‌نگه‌ کاپسایسین

یارمەتیدەر بێت لە دابەزاندنی کێش و پشتگیری له‌سیستمێكی دروستی خواردن بكات و ئه‌وه‌ش دوپاتكراوه‌ته‌وه‌؛ ئه‌وانه‌ی كه‌ بیبه‌ری توون ده‌خۆن كه‌متر ئاره‌زووی خواردنی سوێر ده‌كه‌ن و ئه‌وه‌ش دیسان یارمه‌تیده‌ره‌ له‌دابه‌زاندنی په‌ستانی خوێن.