لەم هەفتەیەدا بارانبارین هەیە و کەشناسێکیش دەڵێت لە ناوچە شاخاوییەکان بەفردەبارێت.

هەواڵ:KNNC

بەڕێوەبەرایەتی کەشناسیی و بومەلەرزەزانی هەرێمی کوردستان پێشبینییەکانی کەشوهەوای بڵاوکردەوە و ڕایگەیاند: ئەمڕۆ و بەیانی ئاسمان نیمچە هەور و هەوری تەواو دەبێت پێشبینی نمەباران لە هەندێ ناوچەی شاخاویی هەیە بەشێوەی نمە بارانی پچڕپچڕی، بە تایبەت لەدوای ئێوارەوە.

لای خۆشییەوە کەشناس پشتیوان پێنجوێنی لەبارەی ڕەوشی کەشوهەواوە بە کەی ئێن ئێنی ڕاگەیاند: لە بەشێکی ناوچە شاخاوییەکان و ناوچە جیاجیاکانی هەرێمی کوردستان لە ئێوارەی ئەمڕۆ بۆ بەرەبەیانی سبەینێ دووشەممە ئاسمان زیاتر هەوراویی دەبێت ناوبەناو باران دەبارێت بە تایبەت لە سنوری سلێمانی و هەڵەبجە هەندێک کات تاوە باران دەبێت لەگەڵ بوونی هەورەگرمە و هەورەبروسکە و دابەزینی پلەکانی گەرما.

لەبارەی بەفربارینیش پشتیوان پێنجوێنی وتی، لەم شەپۆلەی ئەم چەند ڕۆژەدا واتە لەمڕۆوە لە بەشێکی ناوچە شاخاوییەکان ئەگەری بەهێزی بەفربارین هەیە...