دەوڵەت باخچەلی دەڵێت دەبێت خێرابکرێت لە هەنگاوەکانی پڕۆسەی چارەسەریی و تورکیا لە 2026دا هەموو شتێکی چارەسەر کردبێت.

هەواڵ:KNNC

دەوڵەت باخچەلی سەرۆکی پارتی نەتەوەپەرستی تورکیا-مەهەپە لە نوێترین لێدوانیدا قسەی لەبارەی پڕۆسەی چارەسەریی کرد و ڕایگەیاند: دوای سەردانییەکەی ئیمراڵی ئێستا کاتی ئەوەیە ڕاپۆرتی لیژنەکە و کۆمسیۆنی چارەسەریی سەبارەتی بە پڕۆسەکە بنوسرێتەوە، بەوەش گەورەترین یەکگرتوویی لە تورکیادا سەرهەڵدەدات بۆ تەواوکردنی ڕێکارە یاساییەکانی پڕۆسەکە.

باخچەلی ئاماژەی بە هەستیاری قۆناغەکە داوە و وتویەتی دەبێت خێرابکرێت لە هەناگوەکانی پڕۆسەی چارەسەریی و چەسپاندنی ئاشتیی، لەڕووی سیاسیی و دیموکراسیی و یاساییەوە.

سەرۆکی مەهەپە جارێکی دیکە پڕۆسەکەی کۆتاییهێنان بە تیرۆر ناوبرد و وتی، کۆدەنگییەکی فراوان و تەواو هەیە لەبارەی تورکیا بێتیرۆر و  دەبێت ئەوە تورکیا بێتیرۆرە تا ساڵی 2026 بەدیبێت و بگەنە ئامانجەکانیان، تا تورکیا شوێنی خۆی لەسەر نەخشە بدۆزێتەوە، ئەویش وەک باخچەلی بە هەموو جۆرێک پاڵپشتی لەو ئامانجە دەکات.

لەبارەی جەهەپەوە باخچەلی ئاماژەی بەوەکرد، ئەوان ترسان لە چونە ئیمراڵی و ڕایانکرد، تۆمەتەکانی بەرتیلدانیش لەسەر شارەوانییەکانی جەهەپە و هەڵوێستی پارتەکە سەبارەت بە پرۆسەکە و تۆمەتەکان ترسناکە و دەبێت جەهەپە لێپرسینەوەی لەگەڵ بکرێت، چونکە بابەتەکە سانا نییە و تەنانات دەبێت ڕێکاریان لەدژ بگیرێتەبەر...