وەزارەتی ناوخۆ هەڵوەشاندنەوەی زیاتر لە هەزار تۆڕی بازرگانییکردن بە ماددە هۆشبەرەکانی لە ماوەی سێ ساڵی ڕابردوودا ڕاگەیاند و لەو ماوەیەدا دەست بەسەر زیاتر لە 14 تۆن ماددەی هۆشبەردا گیراوە.

هەواڵ:KNNC

عەباس بەهادلی وتەبێژی وەزارەتی ناوخۆی عێراق لە کۆنگرەیەکی ڕۆژنامەوانییدا ڕایگەیاند: لە سێ ساڵی ڕابردوودا، هەزار و 201 تۆڕی بازرگانییکردن بە ماددەی هۆشبەر هەڵوەشاونەتەوە، لەنێویاندا هەزار و 30 تۆڕی ناوخۆیی و 171 تۆڕی نێودەوڵەتی بازرگانیکردن بە ماددە هۆشبەرەکان هەبووە.

ئاماژەی بەوەشدا، لەو سێ ساڵەدا دەستگیراوە بەسەر زیاتر لە 14 تۆن و 20 کیلۆگرام لە ماددەی هۆشبەر.

لەبارەی سزادراوانیش وتی لە 23 هەزار و 118 کەس پەیوەست بە پرسەکانی ماددەی هۆشبەر سزادراون

هاوکات 7 ئەندامی هێزەئەمنییەکان کوژراون و 90 کەسیش بریندار بوون لەبەرامبەردا 36 بازرگانی مادەی هۆشبەر کوژراون و 81یش برینداربوون.

وتەبێژەکەی وەزارەت وتیشی 40 ئۆپەراسیۆنی باڵا لە دەرەوەی سنورەکانی عێراق ئەنجامدراوە و  ئاماژەی بەوەشکرد 33 خاڵی پەیوەندیی لەگەڵ وڵاتانی دیکە بۆ ئاڵوگۆڕی زانیاریی دروستکراوە...