سه‌رۆكی ده‌سته‌ی ده‌ستپاكیی فیدراڵی عێراق رایگه‌یاند: ده‌سته‌كه‌یان هه‌وڵده‌ده‌ن پاره‌ی به‌تاڵانبراوی عێراق بگه‌ڕێنێته‌وه‌و گه‌نده‌ڵكارانیش بداته‌ دادگا.

هەواڵ:KNNC

محمه‌مه‌د عه‌لی لامی له‌راگه‌یه‌نراوێكدا بڵاویكردوه‌ته‌وه‌، ئه‌و دۆخه‌ی كه‌ له‌ماوه‌كانی رابردودا عێراقی پێداتێپه‌ڕیوه‌ زیانێكی گه‌وره‌ی له‌دارایی گشتیی داوه‌وئه‌وه‌ش وایكردوه‌ كه‌ هه‌ندێك له‌داواكراوان ئه‌ پاره‌یه‌ی له‌رێگه‌ی گه‌نده‌ڵییه‌وه‌ به‌ده‌ستیانهێناوه‌ ئاودیوی ده‌ره‌وه‌ی بكه‌ن و له‌گه‌ڵ ئه‌وه‌شدا توانراوه‌ 51 داواكراو له‌ده‌ره‌وه‌ بۆ عێراق بگه‌ڕێنرێنه‌وه‌و بدرێنه‌ دادگا.

لامی جه‌ختی له‌وه‌شكرده‌وه‌ كه‌ ده‌سته‌كه‌یان له‌هه‌وڵی گه‌ڕانه‌وه‌ی ئه‌و پارانه‌دایه‌ كه‌ به‌تاڵان براونه‌ته‌ ده‌ره‌وه‌ و ده‌شڵێت ده‌سته‌كه‌یت پێداگره‌ له‌سه‌ر په‌ره‌پێدانی توانی ستاقه‌كه‌ی له‌به‌كارهێنانی پرۆگرامه‌ مۆدێرنه‌كان له‌پێناو  بەدواداچوونی جوڵەی پارە لە ڕێگەی سیستەمی بانکی تەقلیدی و دیجیتاڵی و هه‌روه‌ها بەکارهێنانی زیرەکی دەستکرد و بەرنامەکانی ئاشكراكردنی  به‌ڵگه‌نامه‌ی ساختە.

به‌پێی ئاماروداتا به‌رده‌سته‌كان له‌ماوه‌ی نێوان 2003 بۆ 2025 بڕی یه‌ك تریلیۆن و 459 مليار دۆلار به‌تاڵان براوه‌ته‌ ده‌ره‌وه‌ی عێراق.

گه‌وره‌ترین گه‌نده‌ڵیش كه‌ له‌م ساڵانه‌ی رابردودا  له‌عیراق ئاشكرابوو دزی سه‌ده‌بوو كه‌تیایدا بڕی  (نزیکەی دوو ملیار و 500 ملیۆن دۆلار) دزراو تائێستاش دۆسێكه‌ به‌كراوه‌یی ماوه‌ته‌وه‌.