هاکان فیدان، وەزیری دەرەوەی تورکیا رایدەگەیەنێت، گفتوگۆکانیان لەگەڵ ئەمەریکا سەبارەت بە یەکخستنی هێزەکانی سوریای دیموکرات بە سوپای سوریا بەردەوامە و دەشڵێت: دانوستانەکانی نێوان هەسەدە و دیمەشق بەهۆی ئیسرائیلەوە وەستاوە.

هاکان فیدان، وەزیری دەرەوەی تورکیا راگەیاندووە، دانوستانەکانی نێوان دیمەشق و هێزەکانی سووریای دیموکرات "هەسەدە" بە هۆی دەستوەردانی ئیسرائیل لە باشووری سووریا بۆ ماوەیەکی کاتی ڕاگیراون، هەروەها ئامانجی تورکیا ڕێزگرتنە لە یەکپارچەیی و سەروەری خاکی وڵاتان و کۆتاییهێنان بە داگیرکاریی.

وەزیری دەرەوەی تورکیا باسی لەوەشکرد، کە گفتوگۆکان لەگەڵ واشنتۆن سەبارەت بە یەکخستنی هێزەکانی سوریای دیموکرات لە چوارچێوەی سوپای سوریا بەردەوامە.