لەمشەوەوە گەشتەئاسمانییەکانی نێوان سلێمانی و تورکیا دەستپێدەکەنەوە و یەکەم گەشتیش بۆ فڕۆکەخانەی نێودەوڵەتیی سلێمانی دەبێت.



هەواڵ:KNNC

پاش نزیکەی سێ ساڵ لە ڕاگرتنی ئەمشەو گەستەئاسمانییەکانی نێوان تورکیا و فڕۆکەخانەی نێودەوڵەتیی سلێمانی دەستپێدەکەنەوە.



یەکەمین گەشتیی ئاسمانیی نێوان هەردوولاش لە تورکیاوە بۆ سلێمانی دەبێت و لە کاتژمێر 10:30 ی شەو لە فڕۆکەیەک تورکیاوە بەرەوە سلێمانی دەفڕێت و لە کاتژمێر 01:00ی شەو دەگاتە فڕۆکەخانەی نێودەوڵەتیی سلێمانی، کە هەڵگری زیاتر لە 160 سەرنشینە.

دوو کاتژمێر لەدوای ئەوەش کە دەکاتە کاتژمێر 03:00ی بەرەبەیان، هەمان فڕۆکە لە سلێمانییەوە بەرەو تورکیا دەفڕێت.

بەپێی خشتەی گەشتەکانی فڕۆکەخانە هەفتانە چوار گەشتی ئاسمانیی لەنێوان هەردوولادا ئەنجامدەدرێت و هاووڵاتییان چیتر ناچنە شارەکانی دیکە بە مەبەستی ئەنجامدانی گەشتەکانیان.

ئەوەش دوای ئەوە دێت تورکیا لە 4ی نیسانی ساڵی 2023ەوە بە بیانووی پاراستنی ئاساییش ئاسمانی وڵاتەکەی بە ڕووی سلێمانیدا داخست و هیچ فڕۆکەیەکی وڵاتانیش نەیاندەتوانی بە ئاسمانی تورکیادا بێنە سلێمانی، لە 9ی مانگی ڕابردووشدا قەدەغەی بەکارهێنانی ئاسمانی وڵاتەکە بەڕووی سلێمانیدا لەلایەن تورکیاوە هەڵگیرا.....