میدیایه‌كی ئیسرائیلی ئاشكرایكرد  كه‌  سوپای وڵاته‌كه‌یان و ده‌زگای مۆساد ئاماده‌كاری ده‌كه‌ن بۆ كردنه‌وه‌ی به‌ره‌یه‌كی نوێ له‌دژی عێراق و به‌ئاگاییه‌وه‌ مامه‌ڵه‌ له‌گه‌ڵ ئه‌و هه‌ڕه‌شانه‌ی گروپه‌ شیعه‌كان ده‌كه‌ن كه‌ ئێرانیان له‌پشته‌وه‌یه‌.

هەواڵ؛ KNNC

ئه‌مرۆ هه‌ینی ماڵپه‌ڕی واڵای ئیسرائیلی له‌راپۆرتێكیدا بڵایكرده‌وه‌" ئێران له‌ڕێگه‌ی گروپ و ملیشیا شیعه‌كانی سه‌ر به‌وڵاته‌كه‌ی له‌عیراق خۆیان سازكردوه‌ بۆ ئه‌وه‌ی له‌هه‌رئان و ساتێكدا بێت له‌ئاسمان و زه‌مینه‌وه‌ په‌لاماری ئیسرائیل بده‌ن .

ئاماژه‌ به‌وه‌شكراوه‌ كه‌ هه‌ڕه‌شه‌كان له‌دژی ئیسرائیل له‌هه‌ڵكشاندان و گروپه‌ عیراقییه‌كان به‌پشتیوانی ئێران به‌ره‌و سوریا ماتۆڕێكی زه‌مینی ئه‌نجامده‌ده‌ن و له‌وێشه‌وه‌ ره‌نگه‌ خۆیان بگه‌یه‌ننه‌ سنوره‌كانی ئیسرائیل .

جه‌ختیش له‌وه‌كراوه‌ته‌وه‌ كه‌ فه‌یله‌قی قودسی ئێرانی له‌پشت به‌هێزترین گروپه‌كانی عیراقه‌وه‌یه‌ كه‌ ئه‌ویش كه‌ته‌یبه‌كانی حیزبوڵایه‌و سه‌رجه‌م گروپه‌كانی سه‌ر به‌ئێرانیش له‌نێو ده‌سته‌ی حه‌شدی شه‌عبیدا كۆكراونه‌ته‌وه‌.