وه‌زاره‌تی ده‌ره‌وه‌ی چین له‌راگه‌یه‌نراوێكیدا ده‌ڵێت؛ په‌كین و واشنتۆن بۆ ماوه‌ی ساڵێكی تر رێككه‌وتنی بازرگانیی كاتی نێوانیان درێژ ده‌كه‌نه‌وه‌.

هەواڵ؛ KNNC

وەزارەتەکە ئاماژەی بەوەشکردووە، چین كۆت و به‌ندی سه‌ر هەناردەکردن بۆ ئەمریکا بۆ ماوەی ساڵێک  هه‌ڵده‌په‌سێرێت"  و له‌هه‌مان كاتیشدا  ڕێوشوێنەکانی خۆی بەرامبەر بە ئەمریکا سەبارەت بە گواستنەوەی کەشتیوانی، له‌گه‌ڵ جێبه‌جێكردنی  هه‌ڵپه‌ساردنه‌كه‌ راده‌گرێت.

جه‌ختیشكراوه‌ته‌وه‌،هەردوو وڵات گەیشتوونەتە کۆدەنگی لەسەر چەند پرسێک لەوانە فێنتانیڵ و فراوانکردنی بازرگانی بەرهەمە کشتوکاڵییەکان.

چین سەرەتای ئەم مانگە بڕیاری دا بە سنووردارکردنی هەناردەی کانزا دەگمەنەکانی وڵاته‌كه‌ی کە خۆی بەرهەمهێنەری 90٪یانە "كه‌ لە پیشەسازیی دروستکردنی چەک، ئامێری تەکنەلۆژی و چەندین بابەتی دیکەدا بەکاردەهێندرێن. 

ئه‌م راگه‌یه‌نراوه‌ی وه‌زاره‌تی ده‌ره‌وه‌ی چین دوا به‌دوای دیداری نێوان دۆناڵد ترەمپ، سەرۆکی ئەمریکا و شی جیپینگ، سه‌رۆكی چین هات"كه‌  لە شاری بوسانی کۆریای باشوور بۆ ماوه‌ی 45 خوله‌ك كۆبونه‌وه‌.