سه‌رۆكوه‌زیرانی ئیسرائیل رایگه‌یاند؛  هه‌ندێك وڵات ناتوانن بۆ به‌شداریكردن له‌هێزی نێوده‌وڵه‌تی له‌غه‌ززه‌ هێز ره‌وانه‌ بكه‌ن و له‌و پرسه‌شدا حكومه‌تی ئه‌مریكا هاوڕایه‌.

هەواڵ:KNNC

بنیامین نه‌تانیاهۆ له‌ده‌ستپێكی كۆبونه‌وه‌ی ئه‌مرۆی حكومه‌ته‌كه‌یدا ئاماژه‌ی به‌وه‌كرد له‌لایه‌ن ته‌لئه‌بیبه‌وه‌ هێزی ئه‌و وڵاتانه‌ دیاری ده‌كات كه‌ بۆیان هه‌یه‌ به‌شداربن له‌هێزی نێو ده‌وڵه‌تی له‌غه‌ززه‌و توركیاش یه‌كێكه‌ له‌و وڵاتانه‌ی ناتوانێت هێز ره‌وانه‌ بكات.

ئه‌و جه‌ختكردنه‌وه‌یه‌ی سه‌رۆكوه‌زیرانی ئیسرائیل له‌كاتێكدایه‌ كه‌ به‌پێی پلانه‌كه‌ی تره‌مپ توركیا ده‌توانێت وه‌ك لایه‌نێكی نێو ده‌وڵه‌تی به‌شداری له‌سه‌قامگیری و ئاوه‌دانكردنه‌وه‌ی كه‌رتی غه‌ززه‌ بكات به‌ڵام وه‌ك ماركۆ رۆبیۆ وه‌زیری ده‌ره‌وه‌ی ئه‌مریكا له‌سه‌ردانه‌كه‌یدا بۆ ئیسرائیل دوپاتیكرده‌وه‌؛ ده‌بێت ئه‌و وڵاته‌ی هێز ره‌وانه‌ی غه‌ززه‌ ده‌كات جێی ره‌زامه‌ندی ته‌لئه‌بیب بێت.