شاندێکی دەمپارتی سەردانی نوێیان بۆلای هاوسەرۆکانی پێشووی زیندانیکراوی هەدەپە ئەنجامدا، لەوبارەیەوە پەروین بوڵدان و مدحەت سنجار ئەندامانی شاندی دەمپارتی بۆ سەردانیکردنی زیندانییەکان، ڕاگەیەندراوێکیان بڵاوکردەوە.

هەواڵ:KNNC

لە ڕاگەیەندراوەکەدا ئاماژەیان بەوەداوە، ئەمڕۆ سەردانی سەڵاحەدین دەمیرتاشیان کردوە لە زیندانی ئەدیرنە، تەندروستی باشە لە قسەکردنیان لەبارەی پڕۆسەی چارەسەریی دەمیرتاش جەختی لە پاڵپشتی تەواوی خۆی بۆ پڕۆسەکە کردەوە و ئامادەیی بۆ هەر جۆرە بەشدارییەک دەربڕیوە لەپێناو ئاشتیی.

هاوکات لە سەردانیکردنی زیندانی قەندیرە، فیگەن یوکسەکداغ ڕایگەیاند هیوا بەدیهاتنی ئاشتیی و کۆمەڵگەیەکی دیموکراسی دەخوازێت جەختی لە پاڵپشتیی و باوەڕییە تۆکمەکانی بۆ پڕۆسەکە کردوەتەوە...

 لە ڕاگەیەندراوی شاندەکەدا ئاماژە بەوەشدراوە کە مانەوەی دەمیرتاش و یوکسەکداغ و زیندانیانی دیکە نایاسایی یە و هیچ پاساویک هەڵناگرێت، داواکار و چاوەڕوانن بە زوترین کات ئازاد بکرێن...