ڕێکخەری ڕاسپاردە نێودەوڵەتییەکانی حکومەتی هەرێمی کوردستان دەڵێت: لە هەرێمی کوردستان شتێک نییە بە ناوی گیراوانی سلێمانی و هەولێر، ئازادیی ڕۆژنامەگەریی بوونی هەیە و یاسایەک بوونی نییە هاوڵاتییان لە مەترسییەکانی بوارەکە بپارێزێت.

هەواڵ:KNNC

دیندار زێباری ڕێکخەری ڕاسپاردە نێودەوڵەتییەکانی حکومەتی هەرێمی کوردستان لە لێدوانێکی تایبەتتدا بۆ کەی ئێن ئێن ڕایگەیاند: با ڕوون بێت لە هەرێمی کوردستان شتێک نییە بە ناوی گیراوانی سلێمانی و هەولێر و ڕاپەڕین و هیچ ناوچەیەک خۆ ئەمە یەکەی 70 و 80 نییە.

دیندار زێباری ئەوەی گیراوە واتە لە هەرێمی کوردستان گیراوە، ئەوەی سزادراوە کەواتە سزادراوە لە هەرێمی کوردستان و نابێت دۆسییەکان بە سیاسیی بکرێن.

ئاماژەی بەوەشدا، هەر سزایەک سەپێندراوبێت بەرامبەر بە ئەنجامدانی پێشێلکاریی  و بە فەرمانی دادوەر و ئەنجومەنی باڵای دادوەریی بووە و حکومەتیش تەنها جێبەجێکارە.

لایەنی نێودەوڵەتیی چاودێرە و ئەگەر بیاوێت دەتوانێت لەسەرجەم دادگاییەکان بەشداربێت.

دیندار زێباری وتیێی، هەمووان گەواهی ئەوە دەدەن لە هەرێمی کوردستان ئازادیی ڕۆژنامەگەریی بە تەواوەتی بوونی هەیە و میدیای ئازاد، سێ هەزار و 400 ڕۆژنامەوانی کارا لە سەندیکا تۆمارن کە هەزار و 600یان خانمن.

لە کۆتایی قسەکانیشیدا باسی لە گرفتی نەبونی یاسا و سانسۆڕ کرد بۆ پاراستنی هاوڵاتییان لە هەڕەشە و زیانەکانی تۆڕە کۆمەڵایەتییەکان و وتی وایکردوە، سکاڵایەکی زۆر لەبارەی تۆڕە جیاوازەکانی میدیا و گەیاندن تۆماربکرێت و بووەتە جۆرێک لە ژاوەژاویی بوارەکە....