ۆژنامه‌ی عه‌كازی سعودی له‌راپۆرتێكیدا ئاماژه‌ی به‌دابه‌شبونی هێزه‌كانی چوارچێوه‌ی هه‌ماهه‌نگی شیعه‌ كردوه‌ سه‌باره‌ت به‌پرسی هه‌ڵبژاردن.

هەواڵ:KNNC

وه‌ك له‌راپۆرته‌كه‌دا هاتوه‌ گروپێكی چوارچێوه‌ی هه‌ماهه‌نگی له‌گه‌ڵ ئه‌وه‌دان هه‌ڵبژاردن بۆ ئایاری 2026 دوابخرێت و هۆكاره‌كه‌شی بۆ ئه‌وه‌ ده‌گه‌ڕێننه‌وه‌ كه‌ ره‌نگ بێت به‌هۆی به‌شداریكردنی هه‌ندیك كه‌سایه‌تی و قه‌واره‌ی سیاسی له‌پرۆسه‌ی هه‌ڵبژاردن كه‌ له‌لایه‌ن ئه‌مریكاوه‌ سزا دراون ببێته‌ هۆی داننه‌نان به‌ئه‌نجامی هه‌ڵبژاردنه‌كاندا. 

هه‌رچی گروپی دوه‌میشه‌ كه‌ له‌لایه‌ن نوری مالكییه‌وه‌ سه‌رۆكایه‌تی ده‌كرێت دژ به‌دواخستنی هه‌ڵبژاردنن و له‌و بڕوایه‌دان دواخستنی ده‌بێته‌ هۆی له‌ده‌ستدانی ره‌وایه‌تی سیستمی سیاسی وڵات.

دوای ئه‌وه‌ی وەزارەتی گەنجینەی ئەمریکا سزای نوێی به‌سه‌ر چه‌ند كه‌سایه‌تی و  کۆمپانیایه‌كی عێراقیدا سه‌پاند ، جارێكی رۆڵ و کاریگەری ئەمریکا لەسەر پرۆسه‌ی هەڵبژاردنەکانی عیراق بوه‌ته‌ بابه‌تی رۆژه‌ڤ  به‌تایبه‌تیش دوای ئه‌وه‌ی هه‌ندێك میدیای خۆرئاوایی جه‌ختیان له‌وه‌كردوه‌ته‌وه‌ كه‌ واشنتۆن پێشوه‌خت ئه‌نجامی هه‌ڵبژاردنه‌ په‌رله‌مانیه‌كه‌ی مانگی داهاتوی عیراق ره‌تده‌كاته‌وه‌.