کەشناسێک ڕایدەگەیەنێت: لە سەرەتای مانگی داهاتووەوە شەپۆلێکی بارانبارین و سەرما ڕوو لە هەرێمی کوردستان دەکات و ئەگەری بەفربارین هەیە.

هەواڵ:KNNC

پشتیوان پێنجوێنی شارەزای بواری کەشناسیی بە کەی ئێن ئێنی ڕاگەیاند: ئەم چەند ڕۆژە بۆ هەرێمی کوردستان کەشوهەوا جێگیر دەبێت و لە بەیانییەوە پلەکانی گەرماش 3 بۆ 4 پلەی سیلیزیی بەردەبنەوە.

پلەکانی گەرما بەم جۆرەن؛ نزمترین لە حاجی ئۆمەران کە 19 پلە، بەرزترینیش لە گەرمیان کە 34 پلە، سلێمانی و دهۆک 28 پلە و هەولێر و هەڵەبجە 29 پلە و کەرکوکیش 32 پلەی سیلیزیی دەبێت.

لەبارەی بارانبارینەوە ئەو کەشناسە ئاماژەی بەوەدا، کە ئەم چەند ڕۆژە هیچ شەپۆلێکی بارانبارین بوونی نییە و لە سەرەتای مانگی داهاتووەوە شەپۆلێکی بارانبارین و سەرما ڕوو لە هەریمی کوردستان دەکات و یەکەم بارانی ئەمساڵ دەبارێت.

بە وتەی ئەو کەشناسە، لەو شەپۆلە 10 ڕۆژییەی کە پاش هەفتەیەک ڕوو لە هەریمی کوردستان دەکات، کەشوهەوا بەتەواوەتی دەگۆڕێت و لە ناوچە شاخاوییەکانیش ئەگەری بەفربارین هەیە...