مارکۆ روبیۆ، وەزیری دەرەوەی ئەمریکا، لە پەیوەندییەكی تەلەفونیدا لەگەڵ محەمەد شیاع سودانی، سەرۆک وەزیرانی عێراق باسیان لە هەوڵەکان بۆ تەواوکردنی رێککەوتنە بازرگانیەکانی نێوان بەغداد و واشنتۆن کردو  وەزیرەکەی ئەمریکا  داواشیکردوە بە خێرای حەشدی شەعبی چەک بکرێن و بونەتە مەترسی بۆ سەر بەرژەوەندییەکانی ئەمریکا.

هەواڵ:KNNC

وەزارەتی دەرەوەی ئەمریکا رایگەیاند، وەزیری دەرەوەی ئەمریکا بە تەلەفون لەگەڵ سەرۆک وەزیرانی عیراق، محەمەد شیاع سودانی  قسەی کردوە و رۆبیۆ جەختیکردوەتەوە لەوەی میلیشیاکانی سەر بە ئێران لە عێراق هەڕەشەن بۆسەر ژیانو کاروباری ئەمریکی و عێراقییەکان.

ئاماژەی بەوەشکردوە، ئەوان سەرمایەی عێراق تاڵان دەکەن  لە بەرژەوەندی ئێران و بوەنەتە مەتسری بۆ سەقامگیری و سەربەخۆیی وڵاتەکە.

لە پەیوەندییەکەدا روبیۆ لەگەڵ سودانی گفتوگۆی کردووە لەبارەی هەوڵەكانی تەواوکردنی گرێبەستە بازرگانییەکانی ئەمریکا لە عێراق و پیرۆزبایی دەستپێكردنەوەی هەناردەكردنی نەوتیشی لێكردووە.

وەزیرەکەی ئەمریکا، پابەندبونی واشنتۆنی دووپاتکردووەتەوە بە بەردەوامی کارکردن لەگەڵ عێراقییەکان لەپێناو بەهێزكردنی بەرژەوەندییە هاوبەشەکان.