لە 10 مانگدا لە عێراق 163 تۆڕی جیاوازیی تاوانکاریی دەستگیرکراون و وەزارەتی ناوخۆی عێراقیش ڕوونکردنەوەی تەواوی لەبارەی جۆری تاوانەکان خستوەتەڕوو.

هەواڵ:KNNC

وەزارەتی ناوخۆی عێراق ئاماری کار و چالاکییەکانی 10 مانگی ئەمساڵی بڵاوکردەوە و بەپێی ئامارەکان لە 1ی کانونی دووهەمی 2025، واتە لە یەکەمین ڕۆژی ساڵەوە 163 تۆڕی تاوانکاریی دەستگیرکراون.

لەوبارەیەوە عەباس بهادلی وتەبێژی وەزارەتی ناوخۆی حکومەتی عێراق ڕایگەیاند: 96 تۆڕی سێکسی، 14 تۆڕی بازرگانییکردن بە جەستەی مرۆڤ، 21 تۆڕی قاچاخچییەتی کۆچبەران ، 16 تۆڕی بازرگانییکردن بە منداڵان و 16 تۆڕی سواڵکردن، بوون.

ناوبراو ئاماژەی بەوەشدا جیا لەو تۆڕانە 153 کەسی دیکەیان پەیوەست بە بابەتی جادوکردن و ئەنجامدانی نوشتە دەستگیرکردوە...