ڕوانگه‌ی ئیكۆ عێراق  له‌راپۆرتێكیدا ئاشكرایكردوه‌ كه‌ خه‌رجی مانگانه‌ی سه‌رۆكایه‌تی كۆماری عێراق نزیكه‌ی 4ملیاردیناره‌.

هەواڵ:KNNC

وه‌ك له‌راپۆرته‌كه‌دا هاتووه‌، له‌حه‌وت مانگی یه‌كه‌می ئه‌مساڵدا سه‌رۆكایه‌تی كۆماری عیراق بڕی 27.6 ملیار دیناری خه‌رجكردوه‌و ئه‌وه‌ش له‌99%ی خۆی له‌ خه‌رجی به‌كاربردن و گه‌شت وپێداویستی ئیداری و كرێی پاسه‌وانیدا ده‌بینێته‌وه‌.

ئاماژه‌ به‌وه‌شكراوه‌ كه‌ سه‌رۆكایه‌تی كۆماری عیراق له‌ماوه‌ی ئه‌وه حه‌وت مانگه‌دا هیچ پرۆژه‌یاسایه‌كی نوێ یاخود هیچ چالاكییه‌كی جێبەجێکردن یان یاسادانانی نه‌بووه‌ و ته‌نیا  پێشوازی له‌باڵیۆز و به‌شداری له‌كۆنگره‌و چالاكییه‌ ره‌سمییه‌كاندا كردوه‌.

روانگه‌ی ئیكۆ جه‌ختی له‌وه‌شكردوه‌ته‌وه‌ كه‌ قه‌باره‌ی خه‌رجییه‌كانی سه‌رۆكایه‌تی كۆمار و سروشتیی چالاكیه‌كانی جێگه‌ی پرسیارو گومانه‌و داواشی له‌ لایه‌نی چاودێریكردوه‌ به‌دواداچوون بۆ خه‌رجییه‌كان بكات  و ههڵسه‌نگاندنیش له‌سه‌ر ئه‌دای دامه‌زراوه‌یی بكات.