هه‌سه‌ده‌ به‌پشتیوانی هاوپه‌یمانیی نێو ده‌وڵه‌تی ده‌ستگیركردنی سه‌ركرده‌یه‌كی مه‌ترسیداری داعشی له‌شاری ته‌بقه‌ راگه‌یاند كه‌ به‌رپرسی لۆجستی شانه‌كانی داعش بوه‌.

هەواڵ:KNNC

به‌پێی راگه‌یه‌نراوێكی  هێزەکانی سوریای دیموکرات، تیمە سەربازییەکانیان  بە پاڵپشتی هێزەکانی هاوپەیمانی نێودەوڵەتی، ئۆپەراسیۆنێکی ورد و تۆکمەی ئەمنییان لە شاری تەبقە ئەنجامداوە و سه‌رئه‌نجام  سەرکردەیەکی مەترسیداری داعشیان ده‌ستگیر كردوه‌ به‌ناوی ئه‌حمه‌د عه‌بدولقادر ئه‌لموسایان .

وه‌ك له‌راگه‌یه‌نراوه‌كه‌دا هاتوه‌ ئه‌و تیرۆریسته‌ی داعش سەرکردەیەکی مەترسیدار بووە و  سەرپەرشتی وەرگرتن و گەیاندنی چەک و کەرەستەی سەربازی و دابەشکردنی کردوە  بەسەر شانە تیرۆریستییەکاندا،  ئه‌مه‌ جگه‌ له‌وه‌ی  چاودێری خاڵە سەربازییەکانی هێزەکانیان بووە.

ئاماژه‌ به‌وه‌شكراوه‌ كه‌ له‌و ئۆپراسیۆنه‌دا دەستیش  بەسەر بڕێک چەک و بۆمبێكی ده‌ستیدا گیراوه‌.