مانگی ڕابردوو زیاتر لە هەشت هەزار چارەخواز سەردانی یەکێک لە نەخۆشخانەکانی چاویان کردوە لە سلێمانی و 659 نەشتەرگەریی گەورە و بچوک ئەنجامدراون.

هەواڵ:KNNC

بەڕێوەبەرایەتی گشتیی تەندروستی سلێمانی ئاماری تایبەت بە سەردانیکەران و چارەخوازانی نەخۆشخانەی شەهید د.ئاسۆی تایبەت بە نەخۆشییەکانی چاوی لە 9/1 تا 9/30ی ئەمساڵی بڵاوکردوە و بەپێی ئامارەکە، لەو ماوەیەدا هەشت هەزار و 285 چارەخواز سەردانی بەشی بەیانیانی نەخۆشخانەکەیان کردوە.

بەپێی ئامارەکە 440 نەشتەرگەری گەورە و 219 نەشتەرگەری بچوک ئەنجامدراون.

بەڕێوەبەرایەتییەکە ئاماژەی بەوەشداوە سێ هەزار و 596 پكشنینی پەستانی چاو و 43 پشكنینی پانتایی بینین و 241 پشكنینی گلێنە و 73 یاك لەیزەر و 80 ئارگۆن ئەنجامدراوە.

لەگەڵ ئەوەشدا، دو هەزار و 223 پشكنینی چاویلكە و 629 سۆنەری چاو ئەنجام دراوە و 141 تیشک و هەزار و 146 پشکنینی تاقیگەیی ئەنجامدراوە.